ჩვენი სერვისები

ვიდეო სამეთვალყურეო სისტემები

თანამედროვე ვიდეო სამეთვალყურეო სისტემების განვითარებამ, ბევრი რამ შეიცვალა ინდუსტრიაში. ანალოგურ ვიდეო ფორმატს, შეუერთდა ციფრული ip და ჰიბრიდული კამერები .

შემუშავდა ერთიანი სტანდარტები, განისაზღვრა სცენარები და დაიხვეწა ვიდეოანალიზის ალგორითმები. თანამედროვე გადაწყვეტილებებმა ვიდეოსამეთვალყურეო სისტემა გახადა უფრო მეტად ინტელექტუალური და მოქნილი.

ახალი თაობის კამერები საშუალებას იძლევა მოერგოს კონკრეტულ სფეროს და შექმნას ვიდეო მონიტორინგის მაღალი სპეციალირიზებული სისტემები. . დახვეწილმა ვიდეოკამერების ხარისხმა , გაიზარდა ვიდეო გარჩევადობა. ამავდროულად გაჩნდა ვიდეო არქივის შენახვის ოპტიმალური და უსაფრთხო მექანიზმები.

კომპანია Rubick-ს ვიდეოთვალთვალის სისტემების დანერგვის მრავალწლიანი გამოცდილება, პარალელურად მიჰყვება უსაფრთხოების სისტემების ბაზრის ინოვაციურ განვითარებას.

Rubick-ის ვიდეო სამეთვალყურეო გადაწყვეტილები უზრუნველყოფს უსაფრთხო გარემოს. კომფორტულს ხდის ვიდეო მონიტორინგის პროცესს. ზოგავს დროსა და რესურსებს . ითვალისწინებს მომხმარებლისთვის საჭირო კრიტერიუმებს და ერგება მათ საჭიროებას.

ტექნოლოგიური ევოლუცია: IP და ჰიბრიდული გადაწყვეტილებები

თუ ადრე ანალოგური სისტემები შეზღუდული იყო კაბელის სიგრძითა და დაბალი გარჩევადობით, თანამედროვე IP (Internet Protocol) კამერებმა მონაცემთა გადაცემის სრული თავისუფლება მოგვცა.

მაღალი გარჩევადობა: 4K და უფრო მაღალი რეზოლუცია დეტალიზაციის საშუალებას იძლევა (სახის ამოცნობა, სანომრე ნიშნების კითხვა).

ჰიბრიდული სისტემები: იდეალურია მათთვის, ვისაც ძველი ინფრასტრუქტურის განახლება სურს ზედმეტი დანახარჯების გარეშე.

ვიდეოანალიტიკა და ხელოვნური ინტელექტი (AI)

დღეს კამერა მხოლოდ "თვალი" აღარ არის, ის "ტვინიცაა".

თანამედროვე ალგორითმები უზრუნველყოფენ: ობიექტების კლასიფიკაციას: სისტემა ასხვავებს ადამიანს, ცხოველსა და ავტომობილს, რაც ამცირებს ცრუ განგაშებს.

ვირტუალური ხაზის გადაკვეთას: მომენტალური შეტყობინება კონკრეტულ ზონაში შეჭრისას. ბიზნეს ინტელექტს (BI): მაღაზიებში მომხმარებელთა ნაკადის დათვლა (Heatmaps), რაც მარკეტინგული გადაწყვეტილებების მიღებაში ეხმარება.

მონაცემთა შენახვა და უსაფრთხოება

არქივის მართვა გახდა უფრო ოპტიმალური ეფექტური კომპრესიის სტანდარტებით (მაგალითად, H.265+), რაც საშუალებას იძლევა: დაიზოგოს ადგილი მყარ დისკზე ხარისხის დაკარგვის გარეშე.

გამოყენებულ იქნას Cloud სერვერები, რაც ფიზიკური მოწყობილობის დაზიანების შემთხვევაშიც კი ინახავს ჩანაწერს.

Elite-ისა და RETRICK-ის მსგავსი გამოცდილი პარტნიორების ჩართულობა მნიშვნელოვანია, რადგან სწორი დაპროექტება ნახევარი საქმეა. არასწორად შერჩეული ხედვის კუთხე ან განათება ყველაზე ძვირადღირებულ კამერასაც კი უფუნქციოს ხდის.

Rubick-ში ჩვენ ვაპროექტებთ და ვნერგავთ ვიდეო სამეთვალყურეო სისტემებს თითოეული პროექტის სპეციფიკური საჭიროებების გათვალისწინებით — იქნება ეს ოფისი, საწყობი, კომერციული ობიექტი, საცხოვრებელი შენობა თუ გარე პერიმეტრი.

კომპიუტერული ქსელი

ოპტიმალური ინფრასტრუქტურა თქვენი ორგანიზაციის წარმატების საფუძველი

თანამედროვე ბიზნესგარემოში ორგანიზაციის გამართული IT ფუნქციონირებისათვის გადამწყვეტი მნიშვნელობა აქვს გამართულ ინფრასტრუქტურას. ქსელის სტაბილური მუშაობა პირდაპირ არის დამოკიდებული მასში შემავალი ფიზიკური და ვირტუალური ელემენტების სწორ შერჩევაზე.

პასიური ინფრასტრუქტურა: საიმედოობის ფუნდამენტი

საკაბელო ინფრასტრუქტურის სწორი არქიტექტურული დაგეგმარება იძლევა შესაძლებლობას, შენობის ექსპლუატაციაში შესვლის შემდეგ კომპიუტერული ქსელისა თუ სხვა კომუნიკაციების მოდერნიზება და დამატება სარემონტო სამუშაოების გარეშე განხორციელდეს.

ინსტალაციის საერთაშორისო სტანდარტების დაცვა ზრდის სისტემის ექსპლუატაციის ვადას, რაც ზოგავს დროსა და ფინანსებს.

კაბელები, პატჩ პანელები, ოპტიკური განაწილების ჩარჩოები (ODF), როზეტები და საკომუნიკაციო კარადები წარმოადგენს ქსელის საფუძველს. მათი ხარისხი განსაზღვრავს მთელი სისტემის წარმადობას.

აქტიური აპარატურა: მართვა და უსაფრთხოება

აქტიური მოწყობილობები უზრუნველყოფენ მონაცემთა შეუფერხებელ და უსაფრთხო მიმოცვლას. ჩვენი გუნდი უზრუნველყოფს შემდეგი მოწყობილობების შერჩევასა და კონფიგურაციას:

როუტერები და მოდემები. (Routers)

ქსელური კომუტატორები. (Switches)

უსადენო წვდომის წერტილები. (WIFI Acess Points)

მონაცემთა შემნახველი სერვერები. (Servers)

ქსელური ბარიერები (Firewall) და სხვა.

რატომ რუბიკი

კომპანია RUBICK-ის IT ინჟინრების მაღალი კვალიფიკაცია და მრავალწლიანი გამოცდილება დაგეხმარებათ შექმნათ:

საიმედო და უსაფრთხო გარემო — თქვენი მონაცემები მაქსიმალურად იქნება დაცული.

ეფექტური სამუშაო პროცესი — მონაცემთა სწრაფი მიმოცვლა დააჩქარებს თქვენი გუნდის მუშაობას.

ოპტიმიზირებული ხარჯები — სწორად დაგეგმილი ინფრასტრუქტურა გრძელვადიან პერსპექტივაში თავიდან აგარიდებთ ზედმეტ და გაუთვალისწინებელ ხარჯებს.

Rubick-ში ჩვენ ვქმნით ტექნოლოგიურ საფუძველს თქვენი ბიზნესის ზრდისთვის.

სახანძრო სისტემები

სახანძრო სიგნალიზაცია შენობათა უსაფრთხოების მთავარი მიმართულებაა .

სისტემის დანიშნულება ხანძრის კერის ადრეულ ეტაპზე აღმოჩენა და შენობაში მყოფ პირთა გაფრთხილებაა. მისი მეშვეობით იმართება ვენტილაციის და კვამლგაწოვი სისტემები. იზღუდება ლიფტების ექსპლუატაცია. აქტიურდება სახანძრო გახმოვანების (PA) და განგაშის სისტემები. ითიშება ელექტრო ენერგია, ხანძარსაწინააღმდეგო სისტემები და საევაკუაციო განათება გადადის სარეზერვო კვებაზე. i\o მოდულების მეშვეობით სახანძრო სადგური იღებს ინფორმაციას ხანძარქრობის გააქტიურების შესახებ.

სახანძრო სიგნალიზაცია არის კომპლექსური სისტემა, მისი თითოეული ნაწილი მნიშვნელოვან როლს ასრულებს უსაფრთხოების უზრუნველყოფაში.

სახანძრო დეტექტორები მუდმივად აკონტროლებენ გარემოს და საფრთხის პირველად ნიშნებს — კვამლს, სითბოს ან მხუთავ აირებს აფიქსირებენ. არსებობს კვამლის, თბური და კომბინირებული დეტექტორები, რომლებიც საფრთხის აღმოჩენისთანავე სიგნალს მართვის პანელს უგზავნიან.

სახანძრო პანელი იღებს სიგნალებს დეტექტორებიდან, ახდენს ლოკაციურ დეტექციას და განსაზღვრავს განგაშის აუცილებლობას. ის მართავს მთელ პროცესს წინასწარ გაწერილი ლოგიკური სცენარის მიხედვით და პასუხისმგებელია შენობის მთლიანი ხანძარსაწინააღმდეგო სისტემების გამართულ მუშაობაზე .

ადამიანებს საშუალება აქვთ სიგნალიზაცია გააქტიურონ მექანიკური ღილაკის გამოყენებითაც, თუ საშიშროება დეტექტორებზე ადრე შენიშნეს. სახანძრო ღილაკებს როგორც წესი, თვალსაჩინო ადგილას ან გასასვლელებში ამონტაჟებენ.

განგაში შემთხვევაში მართვის პანელი ააქტიურებს სტრობ სირენებს, რომლებიც გამოსცემენ ხმოვან და ვიზუალურ განგაშს, რაც უზრუნველყოფს ხალხის დროულ გაფრთხილებას ევაკუაციისათვის.

იო მოდულები სიგნალიზაციას მექანიკურ ნაწილთან, მაგალითად ვენტილაციასთან, კვამლგაწოვასთან, აგრეთვე ლიფტებთან აკავშირებს და საშუალებას იძლევა, ხანძრის დროს ავტომატურად გაითიშოს ან ჩაირთოს საჭირო სისტემები.

იმისათვის, რომ სისტემამ კრიტიკულ მომენტში უწყვეტად იმუშაოს, გამოიყენება სპეციალური ხანძარმედეგი კაბელები, რომლებიც უძლებენ მაღალ ტემპერატურას.

სტანდარტები და შესაბამისობა

საქართველოში, ხანძრის აღმომჩენი სისტემების დაგეგმვისა და მონტაჟის დროს ძირითადად ხელმძღვანელობენ ევროპული და საერთაშორისო სტანდარტებით, როგორიცაა, მაგალითად, EN (European Norms) და ISO (International Organization for Standardization). ასევე არსებობს სახანძრო უსაფრთხოების ნორმები, რომლებსაც შინაგან საქმეთა სამინისტრო ადგენს (საქართველოს მთავრობის დადგენილება №41).

კომპანია რუბიკი სახანძრო სიგნალიზაციის დანერგვის სამუშაოებს ანხორციელებს შესაბამისი სტანდარტების დაცვით, შენობა ნაგებობების ტიპისა და დანიშნულების გათვალისწინებით.

რატომ რუბიკი

უსაფრთხოების სისტემების სფეროში დაგროვილი გამოცდილება, საიმედო პროდუქცია და მატერიალები, განაპირობებს უსაფრთხოების მაღალ სტანდარტებს.

ინსტალაციის შემდგომი ტექნიკური მომსახურება და მხარდაჭერა, ინფრასტრუქტურის საიმედო ექსპლუატაციის გარანტიაა.

ირჩევ ,,რუბიკს“, ირჩევ გარანტირებულ სიმშვიდეს!

დაშვების კონტროლი

We provide access control solutions for offices, commercial facilities, residential buildings, and secure infrastructure.

Outsourcing

Rubick provides technical outsourcing services for security systems, low-voltage infrastructure, maintenance, support, and project implementation.

ელექტროობა

We deliver reliable electrical installation and support services for commercial, industrial, and residential projects.